ހިލްއަތަށް ހިދާޔަތު ދެއްވުން އެދޭ ދިވެހި ރައްޔިތެއް

އަޑި

ހިލްއަތުއެވެ! ދުނިޔޭގައި ކަލޭ ތިޔައުޅޭއިރު ކަލެއަށް ﷲ ދެއްވާފައިވާ ނިޢުމަތްތަކާމެދު ވިސްނާލާށެވެ! ލިޔުމުގެ ނިޢުމަތެވެ. އަތުގެ ނިޢުމަތެވެ. ކެއުމުގެ ނިއުމަތެވެ. ލޮލުގެ ނިއުމަތެވެ. އިވުމުގެ ނިއުމަތެވެ. ކަލޭގެ މުޅި ހަށިގަނޑަށް ވިސްނާލާށެވެ!
މުޅި މީހާއަށް ވިސްނާލާށެވެ! ﷲ ގެ ނިއުމަތުގައި ކަލޭ އުޅޭއިރު އެއިލާހުގެ ދީނަށް ފުރައްސާރަކުރަނީއެވެ. ކަލޭގެ ކިބައިން ތިޔައިން އެންމެ ނިއުމަތެއް ހިނގައްޖެނަމަ ވާނެގޮތް ވިސްނާލާށެވެ. ކަލޭގެ އަތުން ޓައިޕްކޮށް ދީނަށް ފުރައްސާރަކުރާ ލިޔުންތައް އިންޓަރނެޓުގައި ލިޔާ ދެއަތް ވާގިނެތި ކުރެއްވުމަށްވެސް ﷲ ކުޅަދުންވަންތައެވެ. ކަލޭގެ ދެލޮލާއި ކަންފަތާއި ނޭފަތާއި ދުލާއި މި ނިޢުމަތްތައް ވެސް ގެންދެވުމަށް އެކަލާނގެ ކުޅަދުންވަންތައެވެ.
ކަލޭ އެއިލާހަށް ގޮން ނުޖަހާށެވެ! އަދި ވަގުތު ފާއިތު ނުވެއެވެ. ތައުބާ ވާށެވެ! ﷲ ގެ ޙަޟްރަތުން ފާފަ ފުއްސެވުން އެދޭށެވެ!
ކަލެއަށް ހިދާޔަތު ލިބުމަށް އެދެމެވެ.

ހިލްއަތުއެވެ! ﷲ ގެ ޙަޟްރަތުން ބޮޑުވެގެންވާ ކޯފާއެއް އައުމުގެ ކުރިން ތައުބާވާށެވެ!
ކަލޭ އެއިލާހަށް ގޮން ނުޖަހާށެވެ! އަދި ވަގުތު ފާއިތު ނުވެއެވެ. ތައުބާ ވާށެވެ! ﷲ ގެ ޙަޟްރަތުން ފާފަ ފުއްސެވުން އެދޭށެވެ! ކަލެއަށް ހިދާޔަތު ލިބުމަށް އެދެމެވެ.
ދިވެހިރާއްޖޭގެ ލިޔުންތެރިކަމުގެ ތާރީޚުގައި ދިވެހިރާއްޖޭގެ ލިޔުންތެރިއަކު ދީނަށް ޖޯކުޖަހައި، އެކަމުގައި މިހާވަރަށް ޙައްދުފަހަނަޅައި ދިޔަތަން މީގެ ކުރީގައި ފެނިފައެއް ނުވެއެވެ. ޤަވާޢިދުންނެވެ. އަމިއްލަ ނަމުގައެވެ.
އިސްލާމްދީނަށް ޖޯކުޖަހަނީއެވެ. ދީނުގެ ޢިލްމުވެރިންނަށް ޖޯކުޖަހަނީއެވެ. ލިވާޠާއި ޒިނޭފަދަ ކަންތައްތަކަށް ފާޅުގައި ގޮވާލަނީއެވެ. ދިވެހިންގެ މެދުގައި ފިތުނަ އުފައްދަނީއެވެ. ދީނީ އެއްބައިވަންތަކަން ގެއްލުވާލަނީއެވެ.
މިއީ އެންމެ ފަރުދެއްގެ ވާހަކައެވެ. ދީނުގެ ޢަދުއްވަކަށް ވުމަށް ރެއާއިދުވާލު މަސައްކަތް ކުރަމުންދާ މީހެކެވެ.
އޭ ހިލްއަތުއެވެ! ކަލޭ ޤަބޫލުކުރާނެކަމެއް ނޭނގެއެވެ. އެހެންނަމަވެސް ކަލެއަށް ނަސޭހަތެއްގެ ގޮތުގައި ބުނެލަމެވެ.
ފަހަރުގައި ކަލޭ ބަނީއިސްރާއިލުބާގައިގެ ހޮނިހިރުގެ އަހުލުންގެ ތެރޭގައި ތިބި ބައެއް މީހުން ބުނިފަދައިން، މާދަމާ ކަލޭގެ ބުލޮގުގައި ނުބުނާނޭކަމެއްވެސް ނޭނގެއެވެ. ކަލޭމެން ﷲގެ ކޯފާ ހައްގުވެފައިވާ ބަޔަކަށް ނަސޭހަތްދެނީ ކީއްވެހެއްޔެވެ؟
މިފަދައިން ކަލޭ ބުނެފިއްޔާ އަހަރެން ބުނަމެވެ. ހޮނިހިރުގެ އަހުލުންގެ ތެރެއިން ސަލާމަތްވި މީހުން ބުނިފަދައިން އަހަރެން ބުނަމެވެ. އަހަރެމެން ކަލޭމެންނަށް ނަސޭހަތް މިދެނީ ﷲގެ ޙަޟްރަތުގައި އުޒުރު ހުށަހެޅުމަށެވެ. ކަލޭމެންނަށް ނަސޭހަތްދިންކަން އެއިލާހުގެ ޙަޟްރަތުގައި ދެންނެވުމަށެވެ. ނުވަތަ ކަލޭމެން އެއިން އިންޒާރުލިބި ހެޔޮމަގަށް އެނބުރި އާދޭތޯއެވެ.
ހޮނިހިރުގެ އަހުލުވެރިންގެ ވާހަކަ ކަލޭ ޤަބޫލު ކުރާނެއެކޭ ނުބުނާނަމެވެ. އެވާހަކަ ޤުރުއާނުގައި ވެއެވެ. ކަލެއަކީ ޤުރުއާންވެސް ޤަބޫލު ނުކުރާމީހެއްކަމަށް ކަލޭގެ ބްލޮގް ބަލާފައި އެނގިއްޖެއެވެ.
ހިލްއަތުއެވެ! ދީނަށް ފުރައްސާރަކުރުމަކީ މީހާ އިސްލާމްދީނުން ބޭރުވާ ކަމެކެވެ. ތިމަންނައަކީ މުސްލިމެކޭ ދުލުކުރިން ބުނިކަމުގައި ވިޔަސް، އެއީ ކާފަރެކެވެ. ފަހަރުގައި އިސްލާމެއް ނޫންކަމަށް އިއުލާން ކުރާ ވަގުތުންފެށިގެން ދިވެހިރައްޔިތަކަށް ވުމުގެ ޙައްޤު ނިގުޅައިގަނެވިދާނެކަމުގެ ބިރުން ހަނުހުރި ކަމުގައި ވިޔަސް އެއީ ކާފަރެކެވެ.
ޤަބޫލު ކުރާނަން ހެއްޔެވެ!
ރަސޫލުﷲ ޞައްލަﷲ ޢަލައިހި ވަސައްލަމްގެ ޒަމާނުގައި އެކަލޭގެފާނުގެ ލޮބުވެތި ޞަހާބީންގެތެރެއިން އިސް ބައެއް ބޭކަލުންނަށް ހުތުރުބަސް ރައްދުކޮށް އިސްލާމްދީނުގެ ކަރާމާތް ނަގާލި މީހުންގެ ޙުކުމް ކީރިތި ޤުރްއާނުގައި ވެއެވެ. އެއީ ޤިޔާމަތަށް ދާނދެން ދީނަށާއި ދީނުގެ ޢިލްމުވެރިންނަށާއި ދީނުގެ ޙުކުމްތަކަށް ފުރައްސާރަކުރާ ކޮންމެ މީހެއްގެ ޙުކުމެވެ.
އެބައިމީހުން އައިސް އުޒުރު ހުށަހަޅަމުން ދިޔައެވެ. އެހެންނަމަވެސް ﷲ ވަޙީ ކުރެއްވީ؛ ތިޔަބައިމީހުން އުޒުރު ހުށަނާޅާށޭ... ހަމަކަށަވަރުން އީމާންކަމަށްފަހު ތިޔަބައިމީހުންވަނީ ކާފަރުވެފައެވެ.
ހިލްއަތުއެވެ! ދުނިޔޭގައި ކަލޭ ތިޔައުޅޭއިރު ކަލެއަށް ﷲ ދެއްވާފައިވާ ނިޢުމަތްތަކާމެދު ވިސްނާލާށެވެ! ލިޔުމުގެ ނިޢުމަތެވެ. އަތުގެ ނިޢުމަތެވެ. ކެއުމުގެ ނިއުމަތެވެ. ލޮލުގެ ނިއުމަތެވެ. އިވުމުގެ ނިއުމަތެވެ. ކަލޭގެ މުޅި ހަށިގަނޑަށް ވިސްނާލާށެވެ!
މުޅި މީހާއަށް ވިސްނާލާށެވެ! ﷲ ގެ ނިއުމަތުގައި ކަލޭ އުޅޭއިރު އެއިލާހުގެ ދީނަށް ފުރައްސާރަކުރަނީއެވެ. ކަލޭގެ ކިބައިން ތިޔައިން އެންމެ ނިއުމަތެއް ހިނގައްޖެނަމަ ވާނެގޮތް ވިސްނާލާށެވެ. ކަލޭގެ އަތުން ޓައިޕްކޮށް ދީނަށް ފުރައްސާރަކުރާ ލިޔުންތައް އިންޓަރނެޓުގައި ލިޔާ ދެއަތް ވާގިނެތި ކުރެއްވުމަށްވެސް ﷲ ކުޅަދުންވަންތައެވެ. ކަލޭގެ ދެލޮލާއި ކަންފަތާއި ނޭފަތާއި ދުލާއި މި ނިޢުމަތްތައް ވެސް ގެންދެވުމަށް އެކަލާނގެ ކުޅަދުންވަންތައެވެ.
ކަލޭ އެއިލާހަށް ގޮން ނުޖަހާށެވެ! އަދި ވަގުތު ފާއިތު ނުވެއެވެ. ތައުބާ ވާށެވެ! ﷲ ގެ ޙަޟްރަތުން ފާފަ ފުއްސެވުން އެދޭށެވެ!
ކަލެއަށް ހިދާޔަތު ލިބުމަށް އެދެމެވެ.
ހިލްއަތަށް ހިދާޔަތު ދެއްވުން އެދޭ ދިވެހި ރައްޔިތެއް

މުރާސިލް