ހެކި ބޭނުންވާ މީހުންނަށް ތިމަން ﷲ، ވަށައިގެން މިވާ ހެކިތައް ނުދައްކަވަންތޯއެވެ

އެތީސްޓުން 2
އަޅުގަނޑު އިސްލާމް ދީން ޤަބޫލު ކުރީ މިސަބަބާ ހުރެ...

މަންމަޔާއި ބައްޕަ ވަކިވި ދުވަހެވެ. ބައްޕަ މަރުވި ދުވަހެވެ. ރަހުމަތްތެރިން ގެއްލުން ދުވަހެވެ. ހިތާމަވެރި ކަން އިންތިހާއެވެ. ނަމަވެސް އެޔަށްފަހު އަހުރެން ދިރި މިއުޅެނީ ކީއްކުރަން ބާވަ އޭ ހިތައް އަރައެވެ. ކުރިން ހީކުރާގޮތާއި ތަފާތަށް މިފަހަރު މީގަވެސް ކޮންމެސް ކަމެއް އޮންނާނެއޭ ހިތައް އަރައެވެ. ދެން ތިމަންނަ ކްރިސްޓިޔަނުންނާއި، ޔަހޫދީން ނާއި، ހިންދޫން ނާއި... މި ދީންތައް ކުޑަކޮށް ބަލައި އުޅެން ފެށީމެވެ. އަހުރެން ބޮޑަށް އޮތީ އޭރުވެސް ކްރިސްޓިޔަން ދީނުގައެވެ. އަހަރެން އެއްދުވަހަކު ޗާރޗަކަށް ދިޔައީމެވެ. އެދުވަހު އެމީހުން އެކީ އެއްޗެއްގައި ކަލާންގެ އަހުރެންދެކި ލޯބިވޭ ކިޔާ އަޑުއިވިގެން ހިތައްއެރިއެވެ. "ކަލާންގެ ލޯބިވޭ؟ މަ ބައްޕަ މަރުވީޔޯ ދެން؟"

އެއްދުވަހަކު ތިމަންގެ ގާތުގައި ތިމަންގެ ކްރިސްޓިޔަން ރައްޓެއްސެއް ކޮން ކޮން ދީންތަކެއްތޯ މިވީހާތަނަށް ހޯދުނީ އެއްސެވެ. ތިމަން އެ ލިސްޓް ކުޑައިކޮށް ކިޔައިދިނީމައި އިސްލާމް ދީނުގެ ވާހަކައިން އެހިއެވެ. އަހުރެން އެވަގުތު "އިސްލާމް! ޓެރަރިސްޓުން. މަ ބޭނުންނުން އެ ކިޔަވާކަށެއް" މިހެން ބުނީމެވެ.
އެކަމަކު މިހެން އުޅެމުން ގޮސް ތިމަން ނަޔަށް ދިމާވި މުސްލިމް އަޚަކު ތިމަން ނަޔާއި ރަހުމަތްތެރި ވިއެވެ. ނަމަވެސް ތިމަން އެންމެ އަޅައިގެން ކަމަކީ ތިމަން އޭނަޔާއި ސުވާލެއް ކޮށްފިނަމަ ޖަވާބު ދިނުމުގެ ބަދަލުގައި ޤްރްޢާން ފޮތް ހުޅުވާފައި އެޖަވާބު ދައްކާފައި ކިޔާށޭ ބުނެއެވެ. ކްރިސްޓިއަނުން މިބައި ވަރަށް ކަމު ނުދެއެވެ. އެމީހުންގެ އެއް ޗާރޗަކުން ބުނާ އެއްޗަކާއި އެހެން ތާކުން ބުނާ އެއްޗަކާއި ތަފާތެވެ. ނަމަވެސް އުނދަގޫ ސުވާލު ތަކެއް ތިމަން ނަޔަށް ކުރިމަތިވިއެވެ. މިއިން ކަމަކާއި މުސްލިމް އަޚާ ގާތުން ކަލޭގެ ޚިޔާލަކީ ކޮބައިތޯ އެހުމުން ޖަވާބުގައި "ﷲ ގެ މި ފޮތް ކުރިމަތީގައި މަ އޮންނާނީ ކޮން ޚިޔާލެއްތޯއެވެ" މިހެން ބުންޏެވެ. މާޝާﷲ އަހުރެން ދުވަހަކު ވެސް އަޚާގެ އެ ބަސްތަކެއް ހަދާނެއް ނުނެތޭނެއެވެ.
ދެން ޤުރްޢާން ކިޔަވަމުން ގޮސް އޭގަހުރި ސައިންޓިފިކް އާޔަތްތައް އަހަރެންގެ ހިތް ދަމައި ގަތެވެ. "ޖެނެރަލް" ކޮށް ބުނެދީފައި އޮތް އެފޮތުން ތިމަންނަޔަށް ކުށެއް ނުފެނުނެވެ. އެކަނި މާއެކަނި ވަރަށް ފުންކޮށް މި ޚިޔާލުގެ ތެރެއަށް ގެއްލި އިނީމެވެ. އަދި ދެން އިސްލާމް ވާންވީ ބާ އޭ ނުވާންވީ ބާއޭ ހީވާ ދެމެދު އިނދެފައި ދެން އެއްލި ގަނޑުގެ ފުރަތަމަ ސަފްޙާގައި "ހެކި ބޭނުންވާ މީހުންނަށް ތިމަން ﷲ، ވަށައިގެން މިވާ ހެކިތައް ނުދައްކަވަންތޯއެވެ. އިރާއި،ހަނދާއި، ތަރިތަކާއި..... ވިސްނޭބަޔަކަށް މިތަކެތި ހެއްކަކަށް ފުދެއެވެ" މިފަދައިން އޮތް އާޔަތަކާއެވެ. ޖެހިގެން އައި ދުވަހު އިސްލާމް ވުމަށްޓަކައި މިސްކިތަށް ދިޔައިރު ހާހެއްހާ މީހުން ތިއްބަ ފެނުނެވެ. ނަމަވެސް ޝަހާދަތް ކިޔާލެވުން އިރު ހީވީ ފެންވަރާލެވުން ހެނެވެ.

މި ދިވެހިންނަށް ނަސޭޙަތަކަށް އަދި އެއް ވާހަކަ ކިޔައި ދެމެވެ. ﷲ އަށް އަޅުކަން ކުރުމުގައި މީހަކު 500 އަހަރު ހޭދަކުރި އެވެ. އޭނަޔަށް ޓަކައި އޭނަގެ ގެ ކައިރިން އަންނާރު ގަހެއް ފަޅުއްވައި ދެއްވެވިއެވެ. އަދި ދެމޭ ފެންގަނޑެއްވެސް އެ ގޭގެ ގާތުގައި ލެއްވެވި އެވެ. އެމީހާ އެގަހުން ކައިގެން އެ ފެންގަނޑުން ފެންބޮއެގެން އުމުރު ދުވަހު އަޅުކަންތައް ކޮށްފައި މަރުވެގެން ދިޔައީއެވެ. ނަމަވެސް މަޙުޝަރު ބިމުން އޭނާ ދަންނަވާނެ ކަމުގައި ވެއެވެ. ތިމަން ކުރި ޢަމަލުތަކުގެ ސަބަބުން ތިމަން ސުވަރުގެ ވައްދަވާށެވެ. (މާނައީ ﷲ ގެ ނިޢުމަތުގެ މައްޗަށް ތިމަން ގެ ހެޔޮކަންތަށް އިތުރުވެފައި ވާނަމައެވެ). އެހިނދު ހިސާބު ކޮށްލެވޭނެ ކަމުގައި ވެއެވެ. ނަމަވެސް... އެ 500 އަހަރުގެ ހެޔޮކަން އެމީހާގެ ލޮލުގެ ފެނުމުގެ ނިޔުމަތް ވެސް އަގުކޮށް ނުނިމޭހާވިއެވެ. މިމީހާ އެހެނަސް (ﷲގެ ރަޙުމަތް ފުޅުން) ސުވަރުގެ ވައްދަވައެވެ.

މި ހުންނަނީ ވިސްނާ މީހުންނަށް ޢިބުރަތެކެވެ. ދަންނަވާލަން ބޭނުންވަނީ މިފަދަ އަގުބޮޑެތި ކިތައް ނިޢުމަތް އިންސާނާގެ މި ހަށިގަނޑުގައި ވެސް ލެއްވެވިތޯއެވެ. ނަމަވެސް ބޮޑައިވެ އެއީ ހަމަ ހުރެފަ ދެން ވީ ކަމެކޭ ބުނެ ދެކޮޅު ހަދައި ގަންނަނީ އެވެ. ދުނިޔޭގައި ފަސޭހައިގައި އުޅެން ވެގެން ވިސްނާ މީހުން މިފަދައިން ވިސްނާނެއެވެ، ނަމަވެސް އާޚިރަތް އައީމައި.....

ދަންނަވާލަމެވެ. ހަމަ މި ދިވެހި ފަސްގަޑަށް ނިސްބަތްވާ މީހަކު އެތީސްޓްވެގެން މި އަޅުގަނޑަށްވެސް ކިޔައިދިނެވެ. ދިވެހިން ނަށް ހީވާގޮތުން މިއީ ވަރަށް އަޤީދާ ވަރުގަދަ ބައެކެވެ. ނަމަވެސް އެހެން ދީންތަކުގެ އެއްޗެހި ކިޔަވާ އިސްލާމް ދީނާއި ދެކޮޅު އެއްޗެހި ކިޔަން ފެށުމުން އެކަން ކަން ޤަބޫލު ކުރެވެއެވެ. އެހެނީ އަހަރެމެން ނަކީ ދީނުގެ ހަވާސާ ވެސް ނޭނގޭ ޖާހިލު ބައެކެވެ. މިސަބަބަށްޓަކައި އިސްލާމް ދީނާ ދުރު ތަކެތި ކިޔުން ޢިލްމުވެރިން މަނާކުރެއެވެ. އަދި ޤިޔާމަތް ދުވަހުން އެންމެ ޢަޒާބު ބޮޑު އެއްބައި ގެ ތެރޭގައި މި މާތްވެގެން ވާ އިސްލާމް ދީނުގައި ތިބެ އެދީނުން ބޭރުވެދާ މީހުންވެއެވެ. لاَ تَعْتَذِرُواْ قَدْ كَفَرْتُم بَعْدَ إِيمَانِكُمْ.... (ތައުބާ: 65)

ދިވެހިން ނަކަށް މިހާވަރުވެސް ނުވިސްނެ އެވެ. މައިންބަފައިންނާ ދުރަށް ބޭރަށް ކިޔަވަން ދެވުނީމައި ހީވަނީ ސުވަރުގެ ލިބުނީ ހެންނެވެ. ހިތު ހުރިގޮތަކަށް އުޅެ ނަގަނީ އެވެ. ދީން ދޫކުރަންވީމައި "އާނ މިޔޮތީ މާ ބޮލަށް ފަސޭހަ ގޮތެކޭ" ކިޔާ އެވެސް ދޫކުރަން ވީއެވެ. (އަންހެން ކުދިން) ބޭނުން ފިރިހެނަކާއި އެކު ނިދަންވީމަ ނިދަންވެސް ވީއެވެ. ހިތާމަ ހުއްޓެވެ. މި އަޅުގަނޑުގެ ގާތުގައި މި ދިވެހި ޤައުމުގެ ކުދިން އުޅޭ ހަޑި ގޮތުގެ ވާހަކަ ފެންކަޅިވެގެންހުރެ އެހެން ޤައުމެއްގެ އަޚަކު ކިޔައި ދިނެވެ. ރުޅިއައެއްކަމަކު އަހުރެންގެ ޤައުމެވެ. އެޤައުމަކަށްޓަކާ ފަޚުރުވެރިވާ ޤައުމެވެ. އަހުރެންގެ ދީބެވެ. އަހުރެންގެ ފަސްގަނޑެވެ. އެފަސްގަނޑަށް އުފަން ރަނޑާލި ބަޔަކާއި ހުރެވިޔަސް ބުނާނީ ވަކި ކީކޭހެއްޔެވެ.

މިމީހުން ނަށް ކަމު ނުދަނީ މި އިސްލާމް ދީނެވެ. ސަކަރާތްވީ އިސްލާމީ ޙައްދުތަކެވެ. ކަޓުވީ ﷲ ފޮނުއްވެވި ފޮތެވެ. ނަމަވެސް ލޯބީގެ މެސެޖެއްވެސް އެފޮތުން ކޮޕީ ކޮށްގެން ނޫނީ ފޮނުވޭކަމަކަށެއްނުވެއެވެ. ޤަބޫލު ކުރާނެ ކަމެއް ނެތެވެ.
If the trees were pen and ocean were paint, it is not enough for me to tell how much I love you
ނަމަވެސް ލުޤުމާން ސޫރަތުގެ މި 27 ވަނަ އާޔަތައް ބައްލަވާށެވެ...

And if all the trees on the earth were pens and the sea (were ink wherewith to write), with seven seas behind it to add to its (supply), yet the Words of Allah would not be exhausted

ޤަބޫލު ކުރާނެ ކަމެއްނެތެވެ. އަދިވެސް ދެކޮޅު ހެދެން އޮތިއްޔާ ކަށްވަޅާއި ހަމަޔަށް ދަންދެން ދެކޮޅުހަދާށެވެ. ނަމަވެސް ﷲ ގަންދީ ހުވާކޮށް ބުނަމެވެ. ތިޔަބައި މީހުން މަރުވާނެކަމަށް ކުރާ ޔަޤީންކަމުގެ 17 ގުނަ އަށް ތިޔަބައި މީހުންގެ ހިސާބު ނުބައްލަވާ ދޫނުކުރައްވާނެކަމަށް މި ޤުރުޢާން ހެކިކޮށް ވަޢުދުވަމެވެ. މަރުވެދާނެކަމާއި މެދު ޝައްކު ކުރިޔަސް ޙިސާބު ބައްލަވާނެ ކަމާއި މެދު ޝައްކެއް ނުކުރަމެވެ. 21 ވަނަ ޤަރުނަށް ނިސްބަތް ވީތީވެ ހިތާމަ ކުރަމެވެ. މިމީހުންގެ ބުއްދިތައް ބެދި ބަންދުވީ މި އިން މީހަކަށް އިތުރަށް ވިސްނުނީ ކޮންއެއްޗެއްތޯއެވެ. މުރާސިލް